Euro Truck Simulator 2 je piyrszōm grōm we ślōnskij jynzykowyj wersyji

Ślōnskŏ jynzykowŏ wersyjŏ je rychtowanŏ ôd znōmygo fachmōna Grzegorza Kulika, kery prōmuje ślōnskõ gŏdkã bez wkludzaniy jij za elymynt użytkowy we nowych technologijach.

CDP.pl Press Release

21 września 2012 09:02

Komentarze

Poniższa wiadomość jest oficjalną informacją prasową producenta/wydawcy/dystrybutora gry i jako taka nie jest lub nie musi być wyrażeniem opinii i stanowiska redakcji gry-online.pl.

CD Projekt zaś ôtwiyro nowe cesty. Miyło je nom poinformiyrować, co som my piyrszom fyrmom w Polsce, kero uzdała sie wkludzić podwojno, regionalno jynzykowo wersyjo do naszyj nowyj gry – Euro Truck Simulator 2.

We grze, krom standardowyj polskij wersyje, znojdzie sie tyż profesjonalno ślonsko jynzykowo wersyjo. „Ślonsko jynzykowo wersyjo we grze je to ukłon do srogij „lastautowyj” skupiny ze tego regionu, z kerom my mieli kontakt mocka razy we ôstatnim czasie, a nojbarzij przi przileżytości turniejow Scania Young European Truck Driver. Je to tyż hołd dlo ludzi, kerzy richtich procujom na promocyjo ôd nich kultury i mowy przi pomocy modernych strzodkow przekozu – takich jak btp. Facebook® abo YouTube® po ślonsku. Skuli tego ślonsko godka niy robi sie archaiczno, atoli żyje postrzod modych ludzi – takich, do kerych dołazi tyż i Euro Truck Simulator 2.” - Bartosz Moskała, mynedżer ôd rozwoju biznesu we CD Projekt.

Ślonsko jynzykowo wersyjo je rychtowano ôd znomygo fachmona Grzegorza Kulika, kery promuje ślonsko godka bez wkludzaniy jij za elymynt użytkowy we nowych technologijach.

Euro Truck Simulator 2

Jak pado Grzegorz Kulik: „Ślonsko wersyjo to przed wszyjskim normalizacyjo sytuacyje. Mocka zawodowych kerowcow w regionie godo miyndzy sobom po ślonsku, a tyż wielu szpilerow kożdodziynnie używo ślonskij mowy, także cołkym naturalno je oferta we ôd nich włosnyj godce. Uzdali my sie, co przi tumaczyniu bydymy pisać ślabikorzowym szrajbonkiym, kery zwolo na zapisaniy tak samo srogij tajle ślonskich gwar. Skuli tego żodno skupina używoczow ślonskij godki niy ôstanie z boku. Inkszo sprowa je to, co corozki to barzij popularno ślonsko wersyjo Facebooka jest narychtowano we tym abecadle i je ône promowane ôd srogszyj tajle ślonskich organizacyjow.”

Gra Euro Truck Simulator 2 pokoże sie 19.10.2012 we dwoch edycyjach: standardowyj we cynie 79,99 PLN i kolekcjonerskij we cynie 129,99 PLN.

Ôbie edycyje bydom we polskij i ślonskij wersyji.